Kuzhina tradicionale Shqiptare

Kuzhina tradicionale Shqiptare është e lashtë dhe një kombinim i kulturave të ndryshme siç janë ndikimet e kohëve moderne të Greqisë, Italisë dhe Turqisë.
Ndër përbërësit kryesor të gatesave shqiptare janë mishi dhe perimet, duke mos lënë anash edhe ushqimet tjera që gjithsesi janë pjesë e tavolinave shqipatre, sikur lakër turshi, djath feta, bukë, oriz dhe sigurish pastërma. Perimet kryesore dhe më të njohurat në këto tryeza janë: patëllxhanët, specat, domatet, kastravecat, ullinjët të cilët harmonizojnë tavolinën duke shoqëruar shumë vakte ushqimore.
Përveç këtyre ushqimeve që përmendëm vlen të theksohen edhe sallatat dhe supat e ndryshme të cilat janë të pa evitushme sidomos gjatë vaktit të drekës.
Ndër ushqimet më të preferuarat dhe ato që më shpesh mund ti rastisni në tryezat tradicionale shqiptare jane:
 
Byrek
Byreku është njëri nga ushqimet më të njohura për kulturën shqiptare, atë mund ta gjeni kudo, në markete, restaurante apo edhe në qoshe të fshehura të qytetit. Ky ushqim përgaditet me shije të ndryshme, me mish, gjizë dhe spinaq.

Tavë Kosi

Një ndër ushqimet e dashura nga vendasit, është edhe Tavë Kosi, e cila mund të gjindet në restaurante por më shumë përgaditet në shtëpi. Tavë Kosi është një pjatë e shijshme, e bërë me mish qengji, vezë dhe kos. Zakonisht preferohet në dimër.

Qofte
Qofte, ose qofte të pjekura në zgarë, është një nga gatimet më të njohura të mishit në Shqipëri. Në përgjithësi qoftet janë të kalitura me erëza dhe nenexhik dhe shërbehen me qepë dhe sallatra. Herë janë pjekur në skarë, here janë skuqur dhe nganjëherë vijnë të pjekur ne furre, me salcë domate. Edhe forma ndryshon, më e rrumbullakosur ose më cilindrike.

Mish i pjekur në zgarë

Në të gjithë vendet shqiptare, një nga vaktet më të famshëm është mishi i pjekur në skarë, i njohur kryesisht si zgara. Do ta gjeni kudo, madje edhe në restorantet e vendosura përpara detit. Porositni një pjatë të madhe me mish të pjekur në skarë me një sallatë dhe një pije lokale dhe shijoni vaktin tuaj!

Speca te mbushur

Speca te mbushur është një nga ushqimet më të gjalla dhe të shijshme të vendit, i bërë me speca të verdhë, portokalli, jeshile dhe të kuqe të mbushur me oriz, mund ti shtohet dhe mish i grire dhe erëza para se të piqet në furrë. Eshtë një zgjedhje e shëndetshme dhe një pjatë e shkëlqyer vegjetariane.

Fli

Për sa i përket ushqimit tradicional shqiptar, nuk bëhet më autentik se flia. Një pjatë tipike e ngrënë në festa si ditëlindjet dhe dasmat, i bërë me gjalpë, miell, ujë, kripë, kos dhe vaj ulliri. Flia është një pjatë kaq unike për shkak të mënyrës se si përgatitet. Shtresat si krep piqen në saç përpara se të shërbehen me salcë kosi, mjaltë, reçel dhe / ose djathë.

 Porositni tani në FreshAlb: https://bit.ly/3XcvdSA