Ëmbëlsirë Kremoze

Ëmbëlsira është lumturi në një formë të prekshme dhe të ngrënshme. E shijshme deri në kafshatën e fundit. Kjo është një recetë e një ëmbëlsire kremoze me një shije të mahnitshme!

Përbërësit:

125 gr. Gjalpë ose Margarin

8 lugë të gjellës Nisheste

1 litër Qumësht

1 gotë e ujit Sheqer

Sheqer vanilje

100 gr. Çokollatë e bardhë

600 ml. Qumësht

4 lugë të gjellës Nisheste

3 lugë të gjellës Kakao

gjysëm gote e ujit Sheqer

100 gr. Çokollatë

Kakao

Udhëzimet:

Masa e parë:

Gjalpin ose margarinën shkrijeni ne sobë. Pasi të shkrihet i shtoni nishesten dhe perzieni deri sa të skuqet. Vazhdoni duke shtuar qumështin, sheqerin dhe sheqer vaniljen duke vazhduar pastaj me përzierjen. Shtoni çokollatën e bardhë dhe pasi të keni përfunduar duke përzier masën, kthejeni në një tepsi me dimensione 15 cm/20 cm. Masën e pregaditur, mbajeni në frigorifer për 10 minuta.

Masa e dytë:
Ngrohni qumështin duke i shtuar nishesten, kakaon dhe sheqerin dhe në fund përzieni të gjitha bashk. Shtoni dhe çokollatën, dhe masën e pregaditur shtrijeni mbi masën e parë të cilën e keni vendosur në tepsi. Në fund dekoroni ëmbëlsirën me pluhurin e kakaos.
Ëmbëlsirën duhet lënë në frigorifer për 3 ore dhe është gati të shërbehet.

Ju bëftë mirë!